34歲拿華斯多次神救！歐聯12次面對十二碼撲出8球！

歐聯巴塞對PSG賽後，PSG隊長馬昆奴斯咁樣講：「巴塞比首回合表現好好多，佢哋上半場壓得好前，對我哋進行高強度嘅逼搶。我哋之所以守得住，要多謝我哋偉大嘅門將，佢今日發揮咗重要作用。」呢番說話絕對出自真心，因為PSG門神拿華斯全場完成咗9次撲救，其中有多次神救！

喺第10同第18分鐘，拿華斯就撲出咗丹比利嘅兩次單刀射門。第23分鐘，拿華斯又將沙捷奴迪斯嘅窄角度勁射撲出。迪斯呢球射門力量極大，拿華斯反應超快地一抬手，完成了呢次神救。
https://i.imgur.com/VsPygZ4.gifhttps://i.imgur.com/xNQXQqV.gif
https://i.imgur.com/hjSPGql.gif
美斯嘅世界波無得好講，靚到無朋友。但拿華斯好快喺12碼扳回一城，用腳擋出美斯呢球勁射。唔遘唔知，拿華斯喺歐聯生涯中，已經有12次面對十二碼，只係被對手入過4球。而喺西甲效力時，拿華斯同美斯有過無數次交鋒，所以佢對於美斯嘅射門習慣實在係非常太熟悉。
https://i.imgur.com/72HWqse.gif

去到比賽嘅第69分鐘，拿華斯完成下半場唯一一次撲救，呢次又是一次神撲。丹比利左邊角球傳中，布斯基斯頂中，呢球角度刁鑽而且速度好快。可惜遇著拿華斯，佢飛身而起，用雙拳將個波拒諸門外！https://i.imgur.com/LixuScO.gif

憑著呢9次撲救，拿華斯被歐足聯選為全場最佳球員。而呢場波嘅完美表現好可能可以挽救拿華斯喺PSG嘅未來，因為喺普捷天奴入主巴黎之後，佢好想將熱刺嘅門將洛里斯帶到法甲，拿華斯並唔喺佢嘅信任名單上，不過經此一役，唔知普捷天奴會唔會改變主意呢？

拿華斯全場精華：https://www.youtube.com/watch?v=Zpd6rsGK32Qhttps://www.youtube.com/watch?v=a5gEycraw7Q